السلام عليكم
تحيه طيبه للجميع
مقالي اليوم هو مقال لإكمال تجربه السفر للطالب في زمن الكورونا لدولة ماليزيا
نكمل معكم من بعد الوصول لأرض المطار في ماليزيا
حيث انه يجب عليك ان تحجز للدخول من ماليزيا عبر مطار العاصمة KUL
ملاحظة: قبل تركب الطيارة قم بالتنسيق مع مكتب الطلاب الاجانب في جامعتك و زودهم ببيانات عن رحلتك ومتى توصل.
– النزول من الطائرة صف بعد صف ، مع الحرص على التباعد ( تعليمات مشددة من موظفي الطيران)
– بعد الدخول إلى المطار سوف يطلب منك تسجل بياناتك في تطبيق MySejahetra (لازم تكون محمل التطبيق من قبل ومدخل بياناتك الاساسية قبل السفر) فيه خانة في التطبيق
مكتوب عليها Check In
تفتحها وتعمل مسح للكود اللي موجود في استاندات حاطينها في بداية دخول المطار عند الميترو ( طبعا فيه موظفين يوجوهونك ايش تعمل)
فيه شبكة انترنت بالمطار .
– بعد تحديث البيانات في التطبيق تنتقل لصالة أخرى فيها عدة كاونترات ، و أول شي تقابل طبيب يسألك عن ورقة فحص PCR لازم تكون عملت الفحص بما لا يزيد عن ٣ أيام قبل وصولك
(يعني لو رحلتك الاحد ووصولك كوالا الاثنين ، يفصل تعمل الفحص يوم السبت او الاحد إذا فيه إمكانية )، بناءً على وقت عمل الفحص يحدد الطبيب اي مسار تاخذة مدة الحجر الصحي تبعك ٧ أيام لمن فحصه جديد و ١٠ أيام لمن فحصه له أكثر من ٣ أيام أو لم يعمل الفحص.
بيعطيك ورقة فيها بياناتك ومدة الحجر .
– بعدها تتوجه لكاونتر آخر عشان تختار مقر الحجر إذا أنته ما حجزت عن طريق موقعهم على الرابط التالي:
https://safetravel.myeg.com.my
بعد ما تختار الباكيج حق الفندق تروح كاونتر ثاني عشان تدفع الرسوم ( ٢٦٠٠ خاصة بالتشغيل + قيمة الباكيج اللي اخترته * عدد أيام الحجر ) تقدر تدفع بالشبكة أو كاش .
بعد الدفع تستلم منهم إيصال الدفع ( احفظ هذي الاوراق كلها وخليها قريبة منك)
ملاحظة: عندهم ثلاثة باكيجات
( Basic , Premium, Luxury)
– بعد الدفع تتوجه لمكتب الجوازات تعطيهم كل اوراقك جوازك ، ورقة الطبيب ، ايصال الدفع حق الحجر ، البوردنق، تصريح EMGS ، (مكان الجوازات في مكاتب داخلية مش في الكاونترات المعروفة)
بعد ما تخلص من مكتب الجوازات الداخلي تتوجه لكاونتر الجوازات المعروف بشيك على صورتك وتقدر تخرج وتروح للمرحلة بعدها.
– بعد تختيم الجواز بختم الدخول تروح كاونتر آخر يطلب منك تحديث بياناتك في تطبيق MySejahetra وذلك بإدخال بيانات الفندق اللي بيكون في الحجر .
– بعدها تجلس في صالة على بال ما يكتمل العدد حق المسافرين لو حاجز بيزك عشان تتوجهون في باص واحد لمقر الحجر كلاً حسب الباكيج اللي اختاره.
البريميوم فيه سياره تشيلك لحالك.
– بعد اكتمال العدد تتوجه لاستلام العفش وتخرج للباصات
– قبل ما تطلع الباص يتم تعقيم الشنط والحقائب اليدوية من الخارج وبعدها يتم طلوع الباص وتتجه إلى مقر الحجر
– في مقر الحجر الصحي يطلبون الجواز والايصال وورقة الطبيب والبوردينج يصورونها وبعدها يعطوك مفتاح الغرفة و يطلبون منك اذا عندك حساسية من أكلات معينة وتاخذ عفشك وتروح غرفتك.
– في الغرفة غير مسموح بالخروج طيلة مدة الحجر ، ويسمح لك بالطلبات الخارجية بالنسبة للاكل مرة واحدة في اليوم خلال وقت محدد فقط من ٣-٥ مساء ومن مطاعم محددة، و الغرفة تشكل ثلاث وجبات.
– بتعمل فحص PCR بعد وصولك ( لو ما سويته قبل السفر) وتعمله مرة ثانية (اجباري) قبل الطلوع بيوم او ثلاث ايام.
– قبل الخروج راح يعطونك ورقه فيها تصريح عبور للمكان اللي فيه جامعتك.
– خلال الحجر تتواصل مع الجامعه ياخذونك من الفندق ترسل لهم الفندق و اليوم اللي بتطلع فيه .
اتمنى اني افدتكم ولو بالقليل
شكراً
